ВУСЪАТИ ҲАМКОРИҲОИ БАЙНАЛМИЛАЛӢ БО МУАССИСАҲОИ ТАҲСИЛОТИ ОЛИИ ФЕДЕРАТСИЯИ РУСИЯ
10.02.2024
ВУСЪАТИ ҲАМКОРИҲОИ БАЙНАЛМИЛАЛӢ БО МУАССИСАҲОИ ТАҲСИЛОТИ ОЛИИ ФЕДЕРАТСИЯИ РУСИЯ
Рӯзҳои 8-9 феврали соли ҷорӣ дар доираи амалисозии созишномаи тарафайн мулоқоти роҳбарияти донишгоҳ бо намояндагони Донишгоҳи миллии таҳқиқотӣ - техникии Иркутск ва Донишгоҳи давлатии техникии Новосибирск баргузор гардид.
Дар мулоқот масъалаҳои марбут ба фаъолияти байналмилалӣ, омӯзиши таҷрибаи пешқадам, таҳияи барномаҳои муштарак, табодули устодону донишҷӯён ва анҷом додани корҳои илмӣ таҳқиқотӣ мавриди баррасӣ қарор гирифтанд.
Зимни мулоқот роҳбарияти донишгоҳ пешбурди тағйироти рақамиро омили муҳими рушди соҳаи маориф арзёбӣ намуда, иброз доштанд, ки таҳкими ҳамкориҳо бо муассисаҳои таҳсилоти олии касбии Федератсияи Русия самтҳои афзалиятноки ҳамкориҳои дуҷониба маҳсуб меёбад.
Дар фарҷом, ҷонибҳо барои мулоқоти пурмазмун изҳорӣ қаноатмандӣ намуда, зикр гардид, ки дар доираи созишномаи ҳамкорӣ ояндаи наздик баргузории дарсҳои кушод, иштирок дар маҳфилҳои илмӣ ва дигар чорабиниҳо тақвият хоҳанд ёфт.
Partners
