Иштироки намояндагони донишгоҳ дар экспресс-курс барои ҷалби ҷавонон ба фаъолияти соҳибкорӣ
11.05.2022
10-уми майи соли ҷорӣ дар доираи ҳамкориҳои судманд миёни Донишгоҳи техникии Тоҷикистон ба номи академик М.С.Осимӣ ва Муассисаи давлатии «Ташаккул ва рушди соҳибкории Тоҷикистон» донишҷӯёни донишгоҳ таҳти роҳбарии мудири шуъбаи кор бо ҷавонон Асоев К. дар экспресс-курс барои ҷалби ҷавонон ба фаъолияти соҳибкорӣ иштирок намуданд.
Зимни баргузории экспресс-курс тренерҳои босалоҳият ба донишҷӯён вобаста ба бизнес-идея, роҳҳои амалишавии он ва тарзи омода намудани бизнес-план тавассути рӯнамо маълумот пешниҳод намуда, мафҳуми саводнокии молиявиро шарҳ доданд.
Дар рафти курс бо донишҷӯён машғулиятҳои амалӣ баргузор гардида, дар қисмати музокирот донишҷӯён ба саволҳои худ ҷавобҳои зарурӣ гирифтанд.
Шуъбаи иттилоот ва робита бо ҷомеа.
Partners
