КОНСТИТУТСИЯ — ДАРСИ ВАТАНДОРӢ ВА МАСЪУЛИЯТИ ШАҲРВАНДӢ
11.11.2025
КОНСТИТУТСИЯ — ДАРСИ ВАТАНДОРӢ ВА МАСЪУЛИЯТИ ШАҲРВАНДӢ
Санаи 4 ноябри соли равон дар китобхонаи рақамии донишгоҳ мизи мудаввар бахшида ба 31 – умин солгарди Конститутсияи Ҷумҳурии Тоҷикистон бо иштироки директори китобхонаи рақамӣ Саторова М.Қ, муаллими калони кафедраи фанҳои ҷомеашиносӣ Саидов Б, муовини декани факултети механикӣ ва технологӣ Саидзода Б, кормандони китобхонаи рақамӣ ва донишҷӯён баргузор гардид.
Чорабиниро Мавлуда Саторова ифттитоҳ намуда, оид ба мафҳуми коститутсия ва таърихи пайдоиши он, аз таърихи қабул ва зарурати ин санад суханрони намуд.
Қайд гардид, ки Конститутсия - маънои муқарраркунӣ ё тасдиқкуниро дорад. Аммо мо имрӯз конститутсияро на бо ин маъно, балки ҳамчун қонуни асосӣ ё ин ки конститутсияи давлат медонем. Бинобар ин, савол ба миён меояд, ки аз кадом давра конститутсияро ҳамчун қонуни асосии давлат эътироф намудаанд, чунки он таърихи тӯлонӣ дошта, бо маънои зикршуда дар таҷрибаи давлатдорӣ истифода бурда мешуд.
Бозоралӣ Саидов роҷеъ ба таърихи инкишофи конститутсияи ҳозира, суханронӣ намуда, иброз дошт, ки Конститутсияи Ҷумҳурии Тоҷикистон инъикосгари ормони халқи тоҷик буда, барои пойдории ҳокимияти конститутсионӣ, тақвияти рукнҳои давлатдории миллӣ, мушарраф гардидан ба дастовардҳои сиёсиву иқтисодӣ ва иҷтимоиву фарҳангӣ, ташаккули ҷомеаи шаҳрвандӣ, гуногунандешӣ заминаи мусоид ва боэътимоди ҳуқуқиро фароҳам овард. Яке аз зарфиятҳои Конститутсияи Ҷумҳурии Тоҷикистон принсипи башардӯстӣ буда, арзиши олии он эътироф гардидани ҳуқуқу озодиҳои инсон мебошад.
Дар идома Баҳридин Саидзода ва Фариштамоҳ Мастибекова суханронӣ намуда, таъкид доштанд, ки Конститутсия дар рушди давлатдории миллии тоҷикон нақши муассир дорад, бинобар ин, эҳтироми Конститутсия ва арҷ гузоштан ба он бояд ба одати ҳар як шаҳрванд табдил ёбад. Зеро, Конститутсия таҷассумгари моҳияти сиёсӣ, ҳуқуқӣ ва маънавии давлат аст. Ҳар фарди ҷомеаи имрӯза вазифадор аст, ки ҳар банди онро риоя кунад, ҳуқуқу озодӣ, шарафу номуси дигаронро эҳтиром намояд. Танҳо бо ҳамин роҳ мо метавонем ба ҳадафи ниҳоии худ, яъне бунёди давлати аз ҳар ҷиҳат пешрафта ва мардумони дорои зиндагии шоиста бирасем.
Ҳамкориҳо
