|
|
|
Ниёзӣ Сироҷиддин Раҷаббоқӣ Мудири шуъба, номзади илмҳои техникӣ |
Шуъбаи инноватсия ва нашрияҳои илмии донишгоҳ бо мақсади таъмини самараноки фаъолияти илмии донишгоҳ ва баланд бардоштани мақоми донишгоҳ, баланд бардоштани фаъолияти илмӣ, таъмини фаъолият, рушд ва пешбурди илмӣ, инчунин ташкил ва гузаронидани чорабиниҳои илмии донишгоҳ ташкил карда шудааст.
Дар сохтор ва ҳайати шуъбаи инноватсия ва нашрияҳои илмӣ маҷаллаи илмии “Паёми политехникӣ” ва Шӯрои татбиқ ва нашри корҳои илмӣ-тадқиқотӣ фаъолият мебаранд.
Шуъба дар фаъолияти ҳаррӯзаи худ дар қатори коркарди маълумоти фаъолияти илмии устодон ва олимони донишгоҳ ташкил ва гузаронидани конференсияҳои илмӣ, семинарҳои илмӣ- назариявӣ ва илмӣ-методӣ, мизи мудаввар, маҳфилҳои илмӣ дар самтҳои фаъолияти донишгоҳ, мавриди омӯзиш қарор додани муаммоҳои ҳалталаби илмӣ-тадқиқотӣ, семинарҳои илмии омӯзишӣ ҷиҳати баланд бардоштани салоҳиятнокии илмии мутахассисони ҷавон, роҳҳои мураттаб намудани лоиҳаҳои илмӣ, истифодаи технологияҳои навини инноватсионӣ дар ҷараёни корҳои илмӣ-тадқиқотӣ ва илмӣ-методӣ, инчунин муайян кардани дурнамо ва самтҳои фаъолияти ҷории татбиқ ва нашри корҳои илмӣ-тадқиқотӣ ва илмӣ-методӣ, баррасӣ ва муҳокимаи нақшаи солона ва дурнамои татбиқ ва нашри корҳои илмӣ-тадқиқотӣ ва илмӣ-методии донишгоҳ ва барои тасдиқ ба Шӯрои олимони донишгоҳ пешниҳоди намудани онро аз вазифаҳои худ мешуморад.
Аз рӯзҳои аввали таъсисёбӣ шуъбаи инноватсия ва нашрияҳои илмӣ бо ташкилот ва муассисаҳои давлатӣ, ташкилоти ҷамъиятии дохиливу байналмиллалӣ ҳамкорӣ менамояд.
Роҳбарии шуъба ба зиммаи Ниёзӣ С.Р. гузошта шудааст.
Ҳамкориҳо
