Факултети муҳандисӣ-техникии
Донишгоҳи миллии техникии Беларус -
Донишгоҳи техникии Тоҷикистон ба номи академик М.С.Осимӣ
Факултаи муҳандисӣ-техникии Донишгоҳи миллии техникии Беларус – Донишгоҳи техникии Тоҷикистон ба номи академик М.С.Осимӣ (минбаъд ФМТ ДМТБ-ДТТ) соли 2011 таъсис ёфтааст. Дар асоси супоришҳои президентҳои Ҷумҳурии Беларус ва Ҷумҳурии Тоҷикистон, бо қарори Шурои олимони ДМТБ ва қарори Шӯрои олимони ДТТ (ҳамчун муассисон), бо мувофиқаи Вазорати маорифи Ҷумҳурии Беларус ва Вазорати маориф ва илми Ҷумҳурии Тоҷикистон, санадҳои «Созишнома дар бораи таъсиси ФМТ ДМТБ-ДТТ ба номи академик М.С. Осимӣ аз 28.10.2011с.”, “Созишномаи ҳамкорӣ байни ДМТБ-ДТТ аз 28.10.2011”, байни ду донишгоҳи ДМТБ ва ДТТ ба номи академик М.С.Осимӣ дар санаи 03.02.2012 шартнома ба имзо расид.
Мақсад аз таъсиси ФМТ ДМТБ – ДТТ тарбия намудани мутахассисони соҳаи техника ва технологияи муосир дар шароити иқтисоди бозоргонӣ ва ҷавобгӯ ба талаботи бозори меҳнати кишвар мебошад.
Дар факултет омузиш бо забони русӣ ба роҳ монда шудааст. Раванди таълим дар ФМТ ДМТБ-ДТТ тибқи системаи таълимии анъанавии гузаронида мешавад.
Дар солҳои аввали таъсисёбӣ декани факултет н.и.т. Мирзоалиев И.М. буд. Дар солҳои минбаъда факултетро н.и.т., дотсент Наҷмиддинов Ш.З. (2014-2015), н.и.т., дотсент Саидов М.Ҳ. (2015-2016), н.и.т., дотсент Гадоев С.А. (2016-2021) н.и.т дотсент Маҷидзода Т.С. (2021–2023) роҳбарӣ кардаанд. Айни ҳол факултететро н.и.т., Қаландарбеков И.И. идора менамояд.
Дар заминаи факултети муҳандисӣ-техникии ДМТБ-ДТТ Маркази маориф, илм ва фарҳанги Ҷумҳурии Беларус амал мекунад.
Имрӯз факултети муштараки муҳандисию техникӣ бо назардошти талаботи иқтисодии кишвар ва мувофиқи талаботи бозори меҳнат барои мутахассисони техникии соҳаи сохтмон маркази таълимӣ мебошад.
Мутахассисон аз рӯи ихтисосҳои зерин тайёр карда мешаванд:
- Ихтисосҳои мошинсозӣ (3601)
- «Технологияи мошинсозӣ»;
- «Масолеҳшиносӣ дар мошинсозӣ»;
- «Мошинҳо куҳӣ ва таҷҳизотҳо (тадқиқотҳои зеризаминӣ ва корҳои куҳӣ)».
- Ихтисосҳои соҳаи сохтмон (7002)
- «Экспертиза лова идоракунии амволи ғайриманқул»;
- «Сохтмони саноатӣ ва шаҳрвандӣ»;
- «Роҳҳои автомобилӣ»;
- «Сохтмони хоҷагии об».
- Ихтисосҳои соҳаи меъморӣ (6901)
- «Меъмории биноҳои истиқоматӣ ва иншоотҳо».
- Ихтисосҳои соҳаи асбобсозӣ (3802)
- « Дастгоҳҳо ва системаҳои биотехникӣ ва тиббӣ ».
- Ихтисосҳои соҳаи энергетикӣ (4301)
- « Нерӯгоҳҳои барқӣ »;
- « Барқтаъминкунӣ ».
- Ихтисосҳои соҳаи нақлиёт (3701)
- «Мошинсозӣ»;
- «Ташкили ҳаракати нақлиёт».
- Ихтисосҳои менеҷмент (2602)
- «Бизнес - идора».
- Ихтисосҳои воситаҳои математикӣ ва барномавӣ (4001)
- «Таъминоти барномавии технологияҳои иттилоотӣ»;
- «Амнияти автоматонии системаи коркарди иттилоот ва идоракунӣ».
Марҳилаи ибтидоии омӯзиш (1-2 сол) дар ДТТ ба номи академик М.С.Осимӣ ва марҳилаи дуюм (3-6 сол) дар донишгоҳи шаҳри Минск гузаронида мешавад.
Факултети муштараки муҳандисӣ-техникӣ дар ҳаёти сиёсию ҷамъиятии донишгоҳ ва Ҷумҳурӣ фаъолона иштирок намуда, саҳми худро мегузорад.
Факултети Авиатсияи шаҳрвандии академияи давлатии авиатсияи Белорус Донишгоҳи техникии Тоҷикистон ба номи академик М. С. Осимӣ
(ФАШ АДАБ-ДТТ)
Факултети авиатсияи шаҳрвандии академияи давлатии авиатсияи Белорус - Донишгоҳи техникии Тоҷикистон ба номи академик М.С. Осимӣ (минбаъд ФАШ АДАБ-ДТТ) дар заминаи факултети муҳандисӣ-техникии ДМТБ-ДТТ дар асоси созишнома дар бораи таъсиси ФАШ АДАБ-ДТТ, шартнома дар бораи пешниҳоди хидматҳои таълимӣ дар ин факултет, қарори Шурои олимони ФАШ АДАБ ва Шурои олимони ДТТ, инчунин дар мувофиқа бо Вазорати маорифи Ҷумҳурии Беларус ва Вазорати маорифи Ҷумҳурии Тоҷикистон 10 августи соли 2016 таъсис дода шудааст.
Дар соли аввали таҳсил ба факултет 120 донишҷӯ қабул карда шуданд, ки аввалин донишҷӯене буданд, ки мехостанд ихтисоси бонуфузи авиатсиониро ба даст оранд.
Деканҳои факултети авиатсияи шаҳрвандӣ н.и.т., дотсент Саидов М. Х. (2016с.), н.и.т., дотсент Гадоев С. А. (солҳои 2016-2021),н.и.т., дотсент Маҷидзода Т.С. (солҳои 2021-2023) буданд. Дар айни замон декани факултет н.и.т. Қаландарбеков И.И. мебошад.
Марҳилаи якуми (курси 1) таълим дар заминаи ДТТ ба номи академик М.С. Осимӣ гузаронида мешавад ва марҳилаи дуюми (курси 2 курс 5) таълим дар ФАШ АДАБ-и шаҳри Минск бо гузаронидани аттестатсияи ниҳоӣ ва додани тахассуси дахлдор амалӣ карда мешавад.
Мутахассисон аз рӯи ихтисосҳои зерин тайёр карда мешаванд:
1 - 370401 "Истифодаи техникии ҳавопаймоҳо ва муҳаррикҳо"
1 – 370402 – 01 " Истифодаи техникии таҷҳизоти авиатсионӣ (таҷҳизоти асбобӣ ва электросветтехникӣ)"
1 – 370402 – 02 " Истифодаи техникии таҷҳизоти авиатсионӣ (таҷҳизоти радиоэлектронӣ)"
1 – 440105 - 01 " Ташкили ҳаракат ва таъмини парвозҳо дар нақлиети ҳавоӣ (ташкили ҳаракати ҳавоӣ)"
Нақшаҳои таълимии факултет дар ФАШ АДАБ тартиб дода шуда, бо ДТТ мувофиқа карда шудаанд. Дар факултет таълим бо забони русӣ ба роҳ монда шудааст. Дар факултет омӯзгороне кор мекунанд, ки дарсҳоро дар сатҳи баланди методӣ мегузаронанд ва донишҷӯенро барои идомаи арзандаи таҳсил ФАШ АДАБ-и шаҳри Минск омода мекунанд.
ФАШ АДАБ-ДТТ барои қонеъ гардонидани талаботи шаҳрвандони Ҷумҳурии Тоҷикистон ва дигар давлатҳо оид ба даст овардани маълумоти олии муҳандисӣ-техникӣ, инчунин тарбияти ташаккули шахсият, тайёр кардани кадрҳои соҳибихтисоси авиатсияи шаҳрвандии Ҷумҳурии Тоҷикистон пешбинӣ шудааст.
Факултети авиатсияи шаҳрвандӣ дар чорабиниҳои гуногун фаъолона иштирок мекунад ва ба ҳаёти ҷамъиятию сиесии донишгоҳ ва ҷумҳурӣ саҳм мегузорад.
Донишҷӯени факултет инчунин дар конфронсҳо, озмунҳо, олимпиадаҳо ва дигар чорабиниҳои илмӣ-маърифии донишгоҳ ва ҷумҳурӣ фаъолона иштирок мекунанд. Ҳамзамон дар факултет ба масъалаҳои тарбиявӣ: тарбияи ватандӯстӣ, тарзи ҳаёти солим, истироҳати донишҷӯен диққати махсус дода мешавад.
