Бозоров Шамсиддин Аломуддинович

Мудири шуъба

Шуъбаи магистратура ва корҳои илмӣ-тадқиқотии донишҷӯён (ШМ ва КИТД) ҷузъи сохтории ДТТ ба номи академик М.С.Осимӣ буда, фаъолияти батанзимдарорӣ ва ҳамоҳангсозии корҳоро вобаста ба татбиқи барномаҳои магистрӣ дар тамоми самтҳои тайёр кардани магистрантон, баланд бардоштани сифати таҳсилот дар магистратура, таъмини рақобатпазирии дохилӣ ва байналмилалии магистратураи донишгоҳ ва таъмини фаъолияти илмӣ-тадқиқотии донишҷӯён амалӣ месозад.

Аз рӯзи таъсиси шуъба роҳбарии онро Хуҷаев П.С. ба уҳда дошт. Ҳоло сарварии шуъба зиммаи Бозоров Шамсуддин Аломуддинович гузошта шудааст.

Ҳоло дар донишгоҳ аз рӯйи 25 ихтисос магистрантон таҳсил намуда истодаанд. Контингенти магистрантон 398 нафарро ташкил медиҳад. Аз ин шумора 47 нафарашон духтарон ва 48 нафарашон шаҳрвандони хориҷӣ мебошанд.

Омӯхтани забонҳои хориҷӣ дар замони муосир хеле муҳим буда, барои дастрас ва азхудкунии маълумоти зарурӣ оид ба самтҳои мухталиф, аз ҷумла илму фарҳанг, тартиби самаранок истифодабарии техникаву таҷҳизоти навин ва бартараф кардани ягон нофаҳмоӣ дар раванди фаъолияти корӣ барои ҳар як шахс бисёр ҳам қулай ва муфид мебошанд.

Дар робита ба ин баҳри дар амал татбиқ намудани сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, бо дастгириҳои собиқ ректори донишгоҳ Одиназода Ҳ.О., пешниҳоди муовини ректор Абдуло М.А. ва бо ташаббуси бевоситаи мудири кафедраи бехатарии фаъолияти инсон ва экология Расулов О.У. дар шуъбаи магистратура ихтисоси 1-330104 –“Мониторинги экологӣ, менеҷмент ва аудит” бо хоҳиши довталабон барои фанҳои тахассусӣ бо забони англисӣ таъсис дода шуд.

Дар соли таҳсили 2020-2021 сенздаҳ нафар довталабони донандаи забони англисӣ бо тариқи озмун ба ин гурӯҳ дохил гардиданд. Аз ин шумора 7 нафарашонро духтарон ва 6 нафарашонро писарон ташкил медиҳанд. Ду нафарашон шаҳрвандони Ҷумҳурии Исломии Афғонистон мебошанд.

Шуъба мекӯшад, то дар раванди таҳсили магистрантон ва ташкили корҳои илмӣ-тадқиқотии донишҷӯён камбудиҳо ба назар нарасанд ва тамоми чораҳои зарурӣ андешида мешаванд.