ОИНАИ ХУШНАМОИ МИЛЛАТ
19.11.2025
ОИНАИ ХУШНАМОИ МИЛЛАТ
Бахшида ба Рӯзи Президенти Ҷумҳурии Тоҷикистон дар факултети механикӣ ва технологӣ мизи мудаввар бо иштироки мудири шуъбаи кор бо ҷавонон Бобозода Ш.А., мудири кафедраи фанҳои ҷомеашиносӣ Шарофзода Э.У., муовини декан оид ба тарбияи факултет Саидзода Б.С., сармутахассиси раёсати тарбия Бадарғаев Ч, муаллими калони кафедраи фанҳои ҷомеашиносӣ ва донишҷӯёни факулетет баргузор гардид.
Баҳриддин Саидзода бо суханони табрикотӣ чорабиниро ифтитоҳ намуда, қайд дошт, ки 16-уми ноябр мувофиқи Қонуни Ҷумҳурии Тоҷикистон «Дар бораи рӯзҳои ид» ҳамчун Рӯзи Президенти Ҷумҳурии Тоҷикистон ҷашн гирифта мешавад. Сабаби ба ин рӯз рост омадани чунин ҷашни муборак дар он аст, ки маҳз дар ҳамин рӯзи таърихӣ, яъне 16-уми ноябри соли 1994 Пешвои маҳбуби миллат, муҳтарам Эмомалӣ Рахмон бори нахуст ҳамчун Президенти Ҷумҳурии Тоҷикистон дар назди халқу Ватан савганд ёд карданд. Дар ҳамон сол, дар аввалин Конститутсияи Тоҷикистони соҳибистиқлол, ки аз тарафи мардум қабул карда шуд, шакли идории Тоҷикистон ба шакли ҷумҳурии президентӣ табдил дода шуд.
Ҳамзамон Эраҷ Шарофзода вобаста ба иҷлосияи тақдирсоз суханронӣ намуда, иброз дошт, ки бо туфайли Иҷлосияи XVI Шурои Олии Тоҷикистон дар фазои сиёсии Тоҷикистон тағйироти куллӣ ба амал омад. Иҷлосияро дар таърихи навини Тоҷикистони соҳибистиқлол дар ҳақиқат нуқтаи таҳаввул ва омили сарнавиштсози ояндаи мамлакат ҳисобидан мумкин аст. Зеро ин иҷлосия тавонист асолати худро дар тӯли 33 соли фаъолияти худ собит намояд, ки нақши Иҷлосияи XVI-и Шӯрои Олӣ дар наҷоти миллат басо бузур аст.
Дар иҷлосияи мазкур дар интихоботи сарвари давлат аз ҷониби 186 вакил ба ҷонибдории Эмомалӣ Раҳмон овоз доданд ва ӯ Раиси Шуӯрои Олии Ҷумҳурии Тоҷикистон — роҳбари давлат интихоб гардид. Дар Иҷлосия Раиси тозаинтихоби кишвар Эмомалӣ Раҳмон мақсад ва ҳадафи асосии худро чунин баён карда буд: «Ба хотири истиқрори сулҳи пойдор ва бозгашти ҳамаи фирориён ба Ватан ман тайёр ҳастам, ки ҷонамро қурбон созам». Пас аз суханронии Раиси Шӯрои Олии Ҷумҳурии Тоҷикистон Эмомалӣ Раҳмон дар ҳузури намояндагони халқ ва сарварони гурӯҳҳои силоҳбадаст суханронӣ намуд.
Дар идома маърӯзачиён бо суханҳои пурмуҳтавои хеш корнома ва шоҳкориҳои фарзона фарзанди миллати тоҷик, Пешвои тоҷикони ҷаҳон муҳтарам Эмомалӣ Раҳмонро васф намуда, аз ҷонфидоиҳои Сарвари давлат ёд карданд.
Таъкид гашт, ки муҳтарам Эмомалӣ Раҳмон ҳамчун Пешвои миллат дар шароити душвор ба ҳайси Президенти Ҷумҳурии Тоҷикистон интихоб гардид ва тавонист, ки суботи сиёсӣ ва якпорчагии Тоҷикистонро таъмин кунад. Ӯ бо сиёсати оқилона ва ҳамоҳангсозии манфиатҳои давлат ва ҷомеа эътимоди мардумро ба роҳбарият тақвият бахшид.
Ҳамкориҳо
