ДУРАХШИ ПАРЧАМ АЗ ВАҲДАТИ ЗАНОНИ СОЗАНДА
25.11.2025
ДУРАХШИ ПАРЧАМ АЗ ВАҲДАТИ ЗАНОНИ СОЗАНДА
Бо ташаббуси бахши кор бо занони Донишгоҳи техникии Тоҷикистон бахшида ба Рӯзи парчами давлатии Ҷумҳурии Тоҷикистон вохӯрии судманде бо шурои кор бо занону духтарон дар хобгоҳи №3 бо иштироки мудири бахши кор бо занон Норкулова Г.Р., раиси шурои занони факултети сохтмон ва меъморӣ Саъдиева Г, раиси шурони занони факултети технологияи химиявӣ ва металургӣ Маҳмудзода Т, омӯзгори кафедраи меъморӣ Мирзоева Ф, раиси шурои занон ва духтарони хобгоҳ Амонуллоева О ва донишҷӯдухтарони дар хобгоҳ истиқоматкунанда баргузор гардид.
Сараввал ҳозирин аз шарту шароити донишҷӯдухтарон дидан намуда, ба онҳо ҷиҳати боз ҳам зеботару рангинтар намудани хобгоҳ, ҳуҷраи либосшӯӣ, утоқи дарзмолкунӣ, ошхона, бунгоҳи тиббӣ, толори варзишӣ ва китобхона тавсеаҳои зарурӣ ва сари вақтиро пешниҳод намуданд.
Дар аснои боздид иттилоъ дода шуд, ки истиқоматкунандагон аз ҳамаи имконоти худ васеъ истифода намуда, дар ҳеҷ вазъ мушкилӣ ва ё танқисӣ намекашанд.
Дар идомаи вохӯрӣ Гуландом Норкулова бо ҳозирин дар атрофи ҷашни пуршукӯҳи Парчами миллӣ суханронӣ намуда, иброз дошт, ки Парчам танҳо як матоъ нест, ӯ таърих аст. Ӯ ҳамчун оинаи виҷдони миллат ва ҳамчун нидои ваҳдату худшиносӣ ба осмон боло мешавад. Ҳар боре ки рангу нишонаҳои он аз бод меларзанд, дар дили ҳар як фарди ватандӯст ҳисси ифтихор, масъулият ва муҳаббат бедор мешавад.
Парчам танҳо як матоъ нест, ӯ таърих аст. Ӯ ҳамчун оинаи виҷдони миллат ва ҳамчун нидои ваҳдату худшиносӣ ба осмон боло мешавад. Ҳар боре ки рангу нишонаҳои он аз бод меларзанд, дар дили ҳар як фарди ватандӯст ҳисси ифтихор, масъулият ва муҳаббат бедор мешавад.
Ҳамкориҳо
