МАРОСИМИ ҶАМЪБАСТИИ НАМОИШИ САЙЁРИ "ЭНЕРГЕТИКА ДАР ДАВРАИ ГУЗАРИШ –ТАЪМИНИ НЕРӮ БАРОИ ФАРДО"
28.03.2024
МАРОСИМИ ҶАМЪБАСТИИ НАМОИШИ САЙЁРИ "ЭНЕРГЕТИКА ДАР ДАВРАИ ГУЗАРИШ –ТАЪМИНИ НЕРӮ БАРОИ ФАРДО"
20 марти соли равон дар Донишгоҳи техникии Тоҷикистон ба номи академик М.С.Осимӣ дар рӯзи охири намоиши сайёр таҳти унвони "Энергетика дар давраи гузариш –таъмини нерӯ барои фардо" дар мавзуи рушди устувори соҳаи нақлиёт ҳамоиши навбатӣ баргузор гардид.
Дар ҳамоиш намояндагони Вазорати нақлиёт, ширкати “Акиа-Авесто”, ҶДММ «Сафар Ориён» (Як Такси-1111), Сафорати Ҷумҳурии Федералии Олмон дар шаҳри Душанбе, Бонки Осиёии Рушд, Сафорати Фаронса, Бонки аврупоии таҷдид ва рушд, Шоҳигарии Муттаҳидаи Британияи Кабир, ташкилоти Берлинии Нов, устодон ва донишҷӯёни Донишгоҳи техникии Тоҷикистон ба номи академик М.С.Осимӣ ва намояндагони васоити ахбори омма иштирок намуданд.
Дар рафти баргузории намоиш доир ба масъалаҳои роҳҳои рушди устувори соҳаи нақлиёт дар Тоҷикистон, таҳлили вазъи омӯзиши воситаҳои нақлиёти барқӣ дар Тоҷикистон, автобусҳои барқӣ барои шаҳри Душанбе ва татбиқи лоиҳаҳои минбаъда мавриди муҳокимаи маърузачиён қарор гирифтанд.
Таъкид гашт, ки бо таваҷҷуҳ ба он ки раҳоӣ аз бунбасти коммуникатсионӣ яке аз ҳадафҳои стратегии давлат маҳсуб меёбад, рушди соҳаи нақлиёт барои Ҷумҳурии Тоҷикистон аҳамияти муҳим дорад.
Дар амалӣ гардидани ҳадафҳои мазкур, пеш аз ҳама, саҳми мутахассисони соҳаи роҳу нақлиёт назаррас арзёбӣ гардид, ки онҳо маҳз дар Донишгоҳи техникии Тоҷикистон ба номи академик М.С.Осимӣ омода карда мешаванд.
Ҳамзамон, олимону омӯзгорони соҳаи роҳу нақлиёти Донишгоҳи техникӣ дар амалӣ гардидани лоиҳаҳои сармоягузории рушди комплекси нақлиёт, аз ҷумла, корҳои лоиҳакашӣ, сохтмону таҷдиди роҳҳо, ташкилу идора намудани фаъолияти нақлиёти кишвар, татбиқи қонуниятҳои логистикаи нақлиётӣ иштироки фаъол дошта, саҳми арзанда мегузоранд.
Ҳамкориҳо
