БУЗУРГДОШТИ МАВЛОНО ҶАЛОЛУДДИНИ БАЛХӢ ДАР ДТТ БА НОМИ АКАДЕМИК М.С.ОСИМӢ
03.10.2024
БУЗУРГДОШТИ МАВЛОНО ҶАЛОЛУДДИНИ БАЛХӢ ДАР ДТТ БА НОМИ АКАДЕМИК М.С.ОСИМӢ
30 – юми сентябр бахшида ба Рӯзи бузургдошти Мавлоно Ҷалолуддини Балхӣ дар Донишгоҳи техникии Тоҷикистон ба номи академик М.С.Осимӣ мизи мудаввар баргузор шуд.
Дар он Шамсиддин Муҳаммадиев, муовини директори Институти забон ва адабиёти ба номи А.Рӯдакии Академияи миллии илмҳои Тоҷикистон, Комрон Асоев, сардори шуъбаи ташкилӣ-тарбиявӣ, Далер Абдуллоев, мудири шуъбаи кор бо ҷавонон, Момагул Қосимзода, мудири кафедраи забонҳо ва Гулрухсор Мамурова, омӯзгори кафедраи фанҳои ҷомеашиносӣ ва донишҷӯёни донишгоҳ иштирок намуданд.
Зимни суханронӣ нотиқон қайд намуданд, ки ҳамасола 30- юми сентябр дар кишвари соҳибистиқлоламон Рӯзи Мавлоно Ҷалолуддини Балхӣ бо шукуҳу шаҳомоти хосса таҷлил мегардад. Ин ташаббус аз соли 2009 дар асоси фармони Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон рӯйи даст гирифта шудааст.
Мавлоно Ҷалолуддини Балхӣ (Румӣ) соли 1207 дар шаҳри Балх ё дар Вахши Тоҷикистон ба дунё омадааст. Номаш Аҳмад Ҷалолуддин тахаллусаш ба Мавлавӣ машҳур аст.
Падараш аз олимони Балх буд. Дар ибтидои ҳуҷуми муғулҳо ӯ бо волидайни худ аз Вахш ба Балху Самар – қанд ва Нишопур сафар кардааст. Баъдан оилаи онҳо аз Нишопур ба Ҳиҷоз мекӯчанд. Соли 1232 дар Қуния, назди Бурҳонуддин Муҳаққиқи Тирмизӣ илми тасаввуфро аз худ мекунад. Мавлоно Балхӣ соли 1273 дар Қунияи Рум вафот кардааст.
Бузургтарин асари ӯ «Маснавии Маънавӣ», ки соли 1259 ба навиштаи ин асар сар кардааст ва зиёда аз 10 сол ба эҷоди ин асар машғул гаштааст. Мавзӯи асосии ин асар масъалаҳои тасаввуф мебошад. Аз шоир ба мо 50-ҳазор байт, 1600 рубоӣ боқӣ мондааст.
Ҳамкориҳо
