Мизи мудаввар дар мавзӯи «Сиёсати давлатии ҷавонон ва роҳҳои татбиқи он»
20.04.2022
Санаи 18-уми апрели соли 2022 бо ташаббуси шуъбаи кор бо ҷавонон дар якҷоягӣ бо деканати факултети технологияҳои инноватсионӣ мизи мудаввар дар мавзӯи «Сиёсати давлатии ҷавонон ва роҳҳои татбиқи он» ташкил ва баргузор гардид.
Дар кори мизи мудаввар мудири шуъбаи кор бо ҷавонон Асоев Комрон, раиси Ҷамъияти илмии донишҷӯён Ардашер Шерзодиён, муовинони декан ва аъзоёни фаъоли созмони ҷавонони факултети технологияҳои инноватсионӣ иштирок ва суханронӣ намуданд.
Зимни суханронии худ мудири шуъбаи кор бо ҷавонон Комрон Асоев аз ҳозирин даъват ба амал оварданд, ки ҷиҳати татбиқи сиёсати давлатии ҷавонон ва ҷоннок кардани фаъолияти созмони ҷавонони факултети технологияҳои инноватсионӣ саҳмгузорӣ карда, шумораи аъзоёни созмони ҷавононро зиёд намоянд ва чорабиниҳоро ба сатҳи сифатан нав бароранд.
Бояд тазаккур дод, ки бо ташаббуси шуъбаи кор бо ҷавонон миёни устодон ва донишҷӯён мунтазам чорабиниҳои гуногун ташкил мешаванд.
Шуъбаи иттилоот ва робита бо ҷомеа.
Ҳамкориҳо
