БАРРАСИИ ТАБОДУЛИ АКАДЕМӢ БО ДОНИШГОҲИ IT ОСТОНА
17.01.2024
БАРРАСИИ ТАБОДУЛИ АКАДЕМӢ БО ДОНИШГОҲИ IT ОСТОНА
16 январ муовини ректор оид ба робитаҳои байналмилалӣ Ҷурахонзода Рауф Ҷурахон дар доираи вусъати фаъолияти байналмилалии донишгоҳ ва омода намудани мутахассисони баландихтисоси технологияҳои иттилоотӣ дар хориҷи кишвар бо ҳайати Донишгоҳи IT Остонаи Ҷумҳурии Қазоқистон мулоқот анҷом дод.
Ҷониби ДТТ ба номи академик М.С.Осимӣ дар доираи иҷрои банди 15-и Нақшаи чорабиниҳо оид ба иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни боздид аз иншооти шаҳри Душанбе 1 сентябри соли 2021 баён доштанд, роҳандозии табодули академии донишҷӯён ва такмили ихтисоси омӯзгоронро дар хориҷи кишвар муҳим арзёбӣ намуд.
Зимни мулоқот ҷонибҳо ҷиҳати тақвияти ҳамкориҳо дар ин самт ба мувофиқа расида, бо мақсади баланд бардоштани донишу малакаи устодону донишҷуён бо истифода аз усул ва таҷрибаи пешқадам қарорҳои муассир қабул намуданд.
Сотрудничество
