ФАТҲИ ҚУЛЛАИ МАЪИФАТ
30.09.2025
ФАТҲИ ҚУЛЛАИ МАЪИФАТ
КОМЁБИҲОИ ОМӮЗГОРОН ВА ДОНИШҶӮЁНИ ДОНИШГОҲИ ТЕХНИКИИ ТОҶИКИСТОН ДАР ДАВРИ ШАҲРИИ ОЗМУНИ ҶУМҲУРИЯВИИ “ИЛМ – ФУРӮҒИ МАЪРИФАТ”
Ҳамасола дар сар то сари кишвари азизамон, Озмуни ҷумҳуриявии “Илм – фурӯғи маърифат” бо ибтикор ва таҳти сарпарастии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, бо ҳадафи татбиқи амалии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баргузор мегардад.
Озмуни ҷумҳуриявии “Илм – фурӯғи маърифат” ба рушди тафаккури техникӣ, густариши ҷаҳонбинии илмӣ, дастрасии васеъ ба техника ва технология, таҳкими ихтироъкориву навоварӣ ва пайванди илму истеҳсолот равона шудааст. Ҳамзамон, ба ҷалби хонандагону донишҷӯён ба омӯзиши фанҳои риёзӣ, табиӣ ва дақиқ, инчунин, ба кашф ва муаррифии истеъдодҳои нав дар ин самтҳо мусоидат мекунад.
Маврид ба зикр аст, ки устодон, муҳаққиқон ва донишҷӯён дар Озмуни ҷумҳуриявии “Илм – фурӯғи маърифат” бо шавқу рағбати баланд иштирок мекунанд. Даври шаҳрии Озмун, ки бо ибтикори Мақомоти иҷроияи ҳокимияти давлатии шаҳри Душанбе дар сатҳи баланди ташкилӣ, бо ширкати фаъолонаи довталабон баргузор гардид. Дар ин марҳила, аз Донишгоҳи техникии Тоҷикистон ба номи академик М.С.Осимӣ 5 нафар омӯзгор, 1 нафар докторанти PhD, 15 нафар донишҷӯ ва 12 нафар хонандаи Литсеи техникии назди Донишгоҳ ширкат варзиданд.
Боиси ифтихор аст, ки 13 нафари онҳо сазовори ҷойҳои ифтихорӣ гардиданд ва ба даври ниҳоии Озмуни мазкур роҳхат пайдо намуда, ғолибон бо Диплом, ҷом ва мукофотпулӣ қадрдонӣ гардиданд.
ОМӮЗГОРОН
1. САИДОВ ШАМСУДДИНҶОН СУЛАЙМОНОВИЧ – докторанти PhD факултети технологияҳои рақамӣ, системаҳо ва ҳифзи маълумот, ғолиби ҷойи I аз рӯи номинатсияи “Зеҳни сунъӣ ва барномасозӣ”.
2. ШАРИФОВ НУРАЛӢ ШАРОФУДИНОВИЧ – омӯзгори факултети технологияҳои рақамӣ, системаҳо ва ҳифзи маълумот, ғолиби ҷойи II аз рӯи номинатсияи “Зеҳни сунъӣ ва барномасозӣ”.
3. АШУРЗОДА БАҲРОМ ХАЙРИДДИН – омӯзгори факултети технологияҳои рақамӣ, системаҳо ва ҳифзи маълумот, ғолиби ҷойи III аз рӯи номинатсияи “Зеҳни сунъӣ ва барномасозӣ”.
4. КАРИМОВ АБДУЛАЗИЗ АБДУЛХАКИМОВИЧ – омӯзгори факултети технологияҳои рақамӣ, системаҳо ва ҳифзи маълумот, ғолиби ҷойи III аз рӯи номинатсияи “Зеҳни сунъӣ ва барномасозӣ”.
5. САИД ПАРВИЗ САИДҒУФРОН – омӯзгори факултети сохтмон ва меъморӣ, ғолиби ҷойи III аз рӯи номинатсияи “Ихтироъкорӣ ва навоварӣ”.
ДОНИШҶӮЁН
6. АВЕЗОВ АБДУЛАЗИЗ ИЛҲОМОВИЧ – донишҷӯи курси 4-юми факултети технологияҳои рақамӣ, системаҳо ва ҳифзи маълумот, ғолиби ҷойи II аз рӯи номинатсияи “Зеҳни сунъӣ ва барномасозӣ”.
7. ШАҲЗОДИ АБУБАКР – донишҷӯи курси 3-уми факултети энергетикӣ, ғолиби ҷойи II аз рӯи номинатсияи “Физика ва астрономия”.
8. АБДУЛЛОЗОДА ҲАСАН САЪДУЛЛО – донишҷӯи курси 2-уми факултети технологияҳои рақамӣ, системаҳо ва ҳифзи маълумот, ғолиби ҷойи III аз рӯи номинатсияи “Зеҳни сунъӣ ва барномасозӣ”.
9. БОБОҶОНОВ ДАВЛАТҶОН ИХТИЁРОВИЧ – донишҷӯи курси 3-юми факултети энергетикӣ, ғолиби ҷойи II аз рӯи номинатсияи “Ихтироъкорӣ ва навоварӣ”.
10. РАҲИМОВ МАЪРУФҶОН АБДУРАУФОВИЧ – донишҷӯи курси 3-юми факултети технологияҳои рақамӣ, системаҳо ва ҳифзи маълумот, ғолиби ҷойи III аз рӯи номинатсияи “Зеҳни сунъӣ ва барномасозӣ”.
11. ЛОИҚОВ АҲЛИДИН ОРЗУЕВИЧ – донишҷӯи курси 2-уми факултети сохтмон ва меъморӣ, ғолиби ҷойи III аз рӯи номинатсияи “Математика”.
12. ИСМОИЛОВ СОРБОН МУСТАФОЕВИЧ – донишҷӯи курси 1-уми факултети сохтмон ва меъморӣ, ғолиби ҷойи II аз рӯи номинатсияи “Физика ва астрономия”.
13. ИСКАНДАРОВ МУҲАММАД ФАРҲОДОВИЧ – донишҷӯи курси 3-юми факултети иқтисоди соҳаҳо ва идора, ғолиби ҷойи III аз рӯи номинатсияи “География”.
Ҳамзамон, Раёсати донишгоҳ барои саҳми арзанда ва иштироки фаъолона дар даври шаҳрии Озмуни ҷумҳуриявии “Илм – фурӯғи маърифат” аз ҷониби Мақомоти иҷроияи ҳокимияти давлатии шаҳри Душанбе бо Сипоснома қадрдонӣ гардид.
Раёсат ва иттифоқи касаби кормандони Донишгоҳи техникии Тоҷикистон ба номи академик М.С. Осимӣ ғолибонро самимона табрику таҳният гуфта, ба онҳо дар даври ниҳоии Озмун барору муваффақиятҳои нав таманно менамояд.
Сотрудничество
