БОЗДИДИ МУОВИНИ РЕКТОР ОИД БА ТАРБИЯ АЗ ХОБГОҲ
04.12.2025
БОЗДИДИ МУОВИНИ РЕКТОР ОИД БА ТАРБИЯ АЗ ВАЗЪ ВА ШАРОИТИ ДОНИШҶӮДУХТАРОНИ ДАР ХОБГОҲ ИСТИҚОМАТКУНАНДА
Дар хобгоҳи №3-и Донишгоҳи техникии Тоҷикистон дар асоси Нақша-чорабиниҳои раёсати тарбия вохӯрии муовини ректор оид ба тарбия Аҳмадзода Б.С. бо истиқоматкунандагони хобгоҳ баргузор гардид.
Дар вохӯрии мазкур мудири бахши кор бо занон Норкулова Г.Р., муаллими калони кафедраи забонҳо, номзади илмҳои филологӣ Абдулаҳадова А., раисони шурои занони факултетҳо ва хобгоҳ, мудири хобгоҳи №3 Маҳмадиев М ва кормандони раёсат иштирок намуданд.
Нахуст, Бунафша Аҳмадзода аз ҳуҷраҳои донишҷӯдухтарон, ҷойи дарстайёркунӣ, хӯрокпазӣ ва машғулиятҳои онҳо дидан намуда, сипас қайд намуд, ки Ҳукумати Ҷумҳурии Тоҷикистон, барои боз ҳам беҳтару хубтар шудани шароити таҳсил, фароғат ва зисту зиндагонии донишҷӯён корҳои муайянро роҳандозӣ менамояд.
Вохӯрии мазкур бо мақсади баррасии масоили татбиқи сиёсати гендерӣ ва иҷрои муқаррароти қонунҳои Ҷумҳурии Тоҷикистон «Дар бораи танзиму ҷашну маросим дар Ҷумҳурии Тоҷикистон» ва «Дар бораи масъулият дар таълиму тарбияи кудак», арҷгузорӣ ба суннатҳову арзишҳои фарҳанги миллӣ ва ниёгон, пешгирии исрофкорӣ дар ҷашну маросимҳо, тақлидкории ҷавонон ба пӯшидани сару либоси ба фарҳанги миллати тоҷик бегона, пешгирии шомилшавии занону ҷавонон ба гурӯҳҳои ифротгаро, инчунин пешгирии нашъамандӣ, бемориҳои сироятӣ ва ҳолати санитарию гигиении хобгоҳҳо баргузор карда шуд.
Дар интиҳои вохӯрӣ донишҷӯён бо роҳбарият суҳбати озод намуда, ба саволҳои худ посухҳои мушаххас гирифтанд.
Сотрудничество
