РАФТИ ИМТИҲОНИ ДАВЛАТӢ ДАР ДОНИШГОҲИ ТЕХНИКИИ ТОҶИКИСТОН
27.04.2026
РАФТИ ИМТИҲОНИ ДАВЛАТӢ ДАР ДОНИШГОҲИ ТЕХНИКИИ ТОҶИКИСТОН
27 апрели соли равон дар факултети сохтмон ва меъморӣ имтиҳони давлатии хатмкунандагони кафедраҳои сохтмони саноатӣ ва шаҳрвандӣ, меъмории биноҳо ва иншоот ва меъморӣ ва шаҳрсозӣ оғоз гардид.
Оғози имтиҳонҳои давлатӣ марҳилаи муҳимми ҷамъбасти раванди таълим ва санҷиши ниҳоии сатҳи омодагии донишҷӯён ба ҳисоб меравад. Ин раванд ба арзёбии амиқи донишҳои назариявӣ, малакаҳои амалӣ ва қобилияти татбиқи онҳо дар соҳаҳои сохтмон ва меъморӣ равона гардидааст.
Имтиҳонҳои давлатӣ ҳамчун унсури асосии назорати сифати таҳсилот, имконият фароҳам меоранд, ки сатҳи касбияти хатмкунандагон муайян ва мутобиқати онҳо ба талаботи бозори меҳнат санҷида шавад. Дар шароити рушди босуръати инфрасохтори шаҳрсозӣ, омодасозии мутахассисони баландихтисос дар соҳаи сохтмон ва меъморӣ аҳамияти стратегӣ дошта, ин марҳилаи имтиҳонӣ дар ташаккули кадрҳои рақобатпазир нақши калидӣ мебозад.
Сотрудничество
