Донишгоҳи техникии Тоҷикистон ба номи академик М.С.Осимӣ

Бандишоева Рисолат Мирзошоевна – номзади илмҳои техникӣ, мудири кафедра

Шумораи омӯзгорони штатии кафедра  – 10 нафар, аз ҷумла: унвондор – 5 нафарро ташкил медиҳад. Бисёре аз устодони кафедра худро дар фаъолияти ҷамъиятӣ бомуваффақият нишон дода, дар донишгоҳ вазифаҳои гуногуни маъмуриро ишғол  мекунанд. Набиев С.А. – директори иҷрокунандаи ассотсиатсияи TARENA, Ғафуров М.Х. – декани факултети “Технологияҳои иттилоотӣ ва коммуникатсионӣ”, Турсунбадалов У. А. – ҷонишини декани факултети ТИ ва К оид ба тарбия, Бандишоева Р. М. -  мудири кафедраи АРТ ва И.

Ҳайати профессорону омӯзгорони кафедра:

Дастовардҳои кафедра:

• Дар кафедра озмоишгоҳҳои бо компютерҳо ҷиҳозонида шуда ва озмоишгоҳи илмӣ -тадқиқотии донишҷӯён (роҳбари илмӣ - н.и.т., дотсент Юнусов Н.И.) фаъолият мекунанд,  ки дар онҳо донишҷӯён мунтазам корҳои мустаққилонаи худ ва бо корҳои илмӣ-тадқиқотӣ машғуланд. Самти корҳои илмии донишҷӯён ба системаҳои идоракунии автоматӣ, назорат ва ташхиси объектҳои саноатӣ бахшида шудааст.

Дар самтҳои зикршуда,  бо роҳбарии номзади илмҳои техникӣ, дотсентон Юнусов Н.И ва Ҷалолов У.Х. шумораи зиёди тадқиқотҳо гузаронида шуданд ва дар натиҷа 3 рисолаи илмӣ, 2 монография , 3  патент, садҳо мақолаҳо ва маводҳои таълимию методӣ ба табъ расидаанд. Натиҷаи корҳои илмии кафедра дар корхонаҳои саноатӣ, истеҳсоли масолеҳҳои сохтмонӣ, соҳаҳои нақлиёт ва кишоварзӣ ҷорӣ карда шудаанд.

Омӯзгорон ва донишҷӯёни кафедра  дар озмунҳои ихтироъкорони донишгоҳ фаъолона иштирок намуда, системаҳои техникии замонавиро пешниҳод намудаанд, аз ҷумла: робот манипулятор барои истифода дар истеҳсолот, 3D принтер, лавҳаи электронии маълумотӣ бо истифодаи соат дар вақти воқеъӣ, лавҳаи идораи обёрии қатрагӣ бо истифодаи мантиқи ноаниқ, стенди тадқиқотии системаҳои хунуккунии муҳаррики дарунсӯз, ва дигар таҷҳизот ва сохторҳои техникӣ барои идораи автоматии равандҳои технологӣ дар асоси барнома ва системаҳои зеҳнии сунъӣ.

Дар кафедра корҳои илмӣ-тадқиқотӣ дар мавзӯъ ва равияҳои зерин гузаронида мешаванд: системаҳои зеҳнии сунъии идораи автоматӣ, системаҳои автоматонидашуда барои идораи равандҳои технологӣ,  идентификатсия ва идораи равандҳои биоэкологӣ, истифодаи системаҳои геоиттилоотӣ барои мониторинги пиряхҳо ва таҳияи кадастри заминҳо.

Хатмкунандагони кафедра ба татбиқ ва истифодаи системаҳои зеҳнии сунъӣ ва идоракунӣ дар тамоми соҳаҳои саноатӣ машғуланд ва дар бозори муосири меҳнат мавқеи худро ишғол мекунанд. Онҳо  метавонанд вазифаҳои зеринро иҷро намоянд: муҳандис оид ба автоматикунонии равандҳои истеҳсолот; муҳандис – барномасоз, муҳандиси соҳаи электроника, муҳандис – системотехник.         

	Стенди тадқиқотии муҳаррики дарунсӯз барои гузарондани корҳои илмӣ бо системаи хунуккунии муҳаррик омода шуда истодааст. Унвонҷӯ муаллими калони кафедра Зиёев Ш.Ш.
	Номзади илмҳои техникӣ, и.в. дотсент, мудири кафедраи АРТ ва И Бандишоева Р.М. ҳангоми  гузаронидани лексия аз фанни “Моделонии сисемаҳо ва равандҳо”.
	Докторанти кафедра Амиршоев Ш.А.  бо схемаи электронии таҳия кардааш тадқиқоти илмӣ мегузаронад.
	Иштирокчиёни маҳфили илмӣ – тадқиқотии донишҷӯёни кафедра бо роҳбарии устод, н.и.т., дотсент Юнусов Н.И. барномаи системаи идораи робот манипуляторро таҷдид мекунанд.
	Донишҷӯёни курсҳои боло бо устод, н.и.т., дотсент Набиев С.А. дар такмил додани робот манипулятор кӯшиш доранд.
	Ҳаракатоварҳои робот қисмҳои гуногуни онро ба кор дароварда идораи нозук ва саҳеҳи ин узвҳоро таъмин менамояд. Дар ин мавзӯъ машғулиятро н.и.т., дотсент Ҷалолов У.Ҳ. мегузаронад.
	Иштирокчиёни маҳфили илмӣ – тадқиқотии донишҷӯён, барномаи идораи автоматии кори таҷҳизоти нақшабандии оптималиро такмил медиҳанд.
	Муҳокимаи нақшаи кории комиссияи методии кафедра.
	Ассистенти кафедра Абдукарими А. ҳангоми гузаронидани дарси озмоишӣ аз фанни “Асосҳои электроника ва схемотехника”.

Кафедраи “Автоматонии равандҳои технологӣ ва истеҳсолот” воҳиди таркибии факултети “Технологияҳои иттилоотӣ ва коммуникатсионӣ” -и Донишгоҳи техникии Тоҷикистон ба номи академик М.С. Осимӣ буда, он дар заминаи кафедраи “Системаҳои автоматонидашудаи коркарди маълумот ва идора” бо пешниҳоди Шӯрои олимони факултет дар асоси қарори Шӯрои олимони Донишгоҳ таҳти №12 аз 02.06.2018 с. ва фармоиши ректори Донишгоҳ таҳти №1019-3/4 аз 27.08.2018 с. таъсис дода шудааст.

Самтҳои асосии фаъолияти кафедраи  "Автоматонии равандҳои технологӣ ва истеҳсолот" -ро идоракунии равандҳои технологӣ ва истеҳсолоти гуногун дар асоси усулҳои муосири компютерӣ ва системаҳои зеҳни сунъӣ ташкил медиҳад, ки таҳияи технологияҳои муосир, воситаҳои техникии автоматонӣ ва системаҳои идоракуниро дар бар мегирад. Дар доираи ин самт шумораи зиёди тадқиқотҳо гузаронида шудаанд.   Натиҷаи корҳои  илмии кафедра дар корхонаҳои саноатии истеҳсоли масолеҳҳои сохтмонӣ, нақлиётӣ ва кишоварзӣ ҷорӣ карда шудаанд. Кафедра мутахассисонро барои фаъолият дар соҳаҳои автоматонии равандҳои технологӣ ва истеҳсолот, технологияҳои иттилоотӣ ва идоракунӣ дар системаҳои техникӣ, воситаҳои олотӣ ва технологияи лоиҳакашии системаҳои зеҳнӣ аз рӯи ихтисосҳои зерин тайёр менамоянд:

• 1-530101 – автоматонии равандҳои технологӣ ва истеҳсолот (аз рӯи самтҳо);
• 1-530107 – технологияҳои иттилоотӣ ва идоракунӣ дар системаҳои техникӣ;
• 1-400301-02 – технологияҳои зеҳнии компютерии ҳифзи иттилоот;
• 1-400301-05 – воситаҳои олотӣ ва технологияи лоиҳакашии системаҳои зеҳнӣ.

Суроға: Факултети “Технологияҳои иттилоотӣ ва коммуникатсионӣ”, кафедраи  “Автоматонии равандҳои технологӣ ва истеҳсолот”, 734000, ш.Душанбе, куч. Ҳаёти-Нав, бинои факултети “Сохтмон ва меъморӣ”, каф. АРТ ва И, ошёнаи 4-ум,   ауд. 402, телефон, (992)  555557889; e-mail:  risolatbm@gmail.com